Titelseite Rumantsch

__	Daniel Ambühl > Bildweg > ArtWalk > Rumantsch > Index > ?		__
	Gir-Art - Eveniments d'art
	Occurrenzas Data Arteplage Event 8 - 9 da zerkladur Biel Cirque des idées 15 - 20 da zerkladur Yverdon -les-Bains Respect Village 29 - 30 da zerkladur Biel Cirque des idées 1 - 5 da fanadur Biel Semaine de la mode et du textile 6 - 7 da fanadur Biel Cirque des idées 8 fin 11 da avust Neuenburg Semaine de l'energie et de l'environnement 17 - 18 avust Murten Cirque des idées 24 - 25th avust Murten Cirque des idées 31 da avust fin 1 da settembre Murten Cirque des idées du 7 au 8 da settembre Yverdon-les-Bains Cirque des idées du 21au 22 da settembre Y verdon -les-Bains Cirque des idées du 28 au 29 da settembre Yverdon-les-Bains Cirque des idées
	A la partenza da la senda Gir-Art survegnan las participantas ed ils participants in palpiri alv e partan alura per ina pitschna spassegiada che maina sur set staziuns. A mintga staziun sa chatta ina platta d'arom cun in reliev che preschenta in chapitel da l'istorgia da "La nav dals nars". Ins tschenta il fegl sin questa platta d'arom e stritga cun ina crida da tschaira suravi per far cumparair sin il palpiri tschertas lingias dal reliev. Sch'ins repeta quest proceder en las set staziuns sin il medem fegl, obtegn'ins la finala in dissegn en set colurs che n'era visibel sin naginas da las set plattas d'arom. Il Gir-Art è adattà per uffants a partir da quatter onns, na pretenda naginas conuschientschas tecnicas e porscha la pussaivladad da crear en moda captivanta e divertenta in'ovra persunala sco regurdientscha da l'Expo.02. Vus chattais sin quest fegl plegabel ina curta resumaziun dals set chapitels da l'istorgia. Sche vus vulais leger a chasa l'entira istorgia, consultai la pagina d'internet creada spezialmain per questa occasiun www.artwalk.info. Il Gir-Art è vegnì creà il 1995 da Daniel Ambühl, artist svizzer multimedial, e preschentà quindesch giadas cun in'istorgia mintgamai differenta, tranter auter a Berlin, Greifwald, Braunschweig, Ludwigsburg e Turitg. Per infurmaziuns pli detagliadas davart l'artist consultai la suandanta adressa d'internet: www.danielambuehl.ch >> La paraula "La nav dals nars"
	Translaziun: Lia Rumantscha Ursulina Monn	Punct da partenza Il material per participar al Gir-Art ed ina mappa da chartun per transportar voss dissegn survegnis vus gratuitamain al stan "Artwalk". Staziuns Las set staziuns dal Gir-Art èn signalisadas cun in parasol blau. Cussegl Per obtegnair in meglier resultat, metter la crida per lung sin il palpiri e stritgar suravi cun moviments sperts e senza smatgar.